وَالسَّمَآءِ ذَاتِ الۡبُرُوۡجِۙ‏

آسمان کی قسم جس میں برج ہیں

وَالۡيَوۡمِ الۡمَوۡعُوۡدِۙ‏

اور اس دن کی جس کا وعدہ ہے

وَشَاهِدٍ وَّمَشۡهُوۡدٍؕ‏

اور حاضر ہونے والے کی اور جو اس کے پاس حاضر کیا جائے اسکی

قُتِلَ اَصۡحٰبُ الۡاُخۡدُوۡدِۙ‏

کہ خندقوں (کے کھودنے) والے ہلاک کر دیئے گئے

النَّارِ ذَاتِ الۡوَقُوۡدِۙ‏

(یعنی) آگ (کی خندقیں) جس میں ایندھن (جھونک رکھا) تھا

اِذۡ هُمۡ عَلَيۡهَا قُعُوۡدٌۙ‏

جب کہ وہ ان (کے کناروں) پر بیٹھے ہوئے تھے

وَّهُمۡ عَلٰي مَا يَفۡعَلُوۡنَ بِالۡمُؤۡمِنِيۡنَ شُهُوۡدٌؕ‏

اور جو (سختیاں) اہل ایمان پر کر رہے تھے ان کو سامنے دیکھ رہے تھے

وَمَا نَقَمُوۡا مِنۡهُمۡ اِلَّا٘ اَنۡ يُّؤۡمِنُوۡا بِاللّٰهِ الۡعَزِيۡزِ الۡحَمِيۡدِۙ‏

ان کو مومنوں کی یہی بات بری لگتی تھی کہ وہ خدا پر ایمان لائے ہوئے تھے جو غالب (اور) قابل ستائش ہے

الَّذِيۡ لَهٗ مُلۡكُ السَّمٰوٰتِ وَالۡاَرۡضِؕ وَاللّٰهُ عَلٰي كُلِّ شَيۡءٍ شَهِيۡدٌؕ‏

وہی جس کی آسمانوں اور زمین میں بادشاہت ہے۔ اور خدا ہر چیز سے واقف ہے

اِنَّ الَّذِيۡنَ فَتَنُوا الۡمُؤۡمِنِيۡنَ وَالۡمُؤۡمِنٰتِ ثُمَّ لَمۡ يَتُوۡبُوۡا فَلَهُمۡ عَذَابُ جَهَنَّمَ وَلَهُمۡ عَذَابُ الۡحَرِيۡقِؕ‏

جن لوگوں نے مومن مردوں اور مومن عورتوں کو تکلیفیں دیں اور توبہ نہ کی ان کو دوزخ کا (اور) عذاب بھی ہوگا اور جلنے کا عذاب بھی ہوگا

اِنَّ الَّذِيۡنَ اٰمَنُوۡا وَعَمِلُوا الصّٰلِحٰتِ لَهُمۡ جَنّٰتٌ تَجۡرِيۡ مِنۡ تَحۡتِهَا الۡاَنۡهٰرُؕ ذٰلِكَ الۡفَوۡزُ الۡكَبِيۡرُؕ‏

(اور) جو لوگ ایمان لائے اور نیک کام کرتے رہے ان کے لیے باغات ہیں جن کے نیچے نہریں بہہ رہی ہیں۔ یہ ہی بڑی کامیابی ہے

اِنَّ بَطۡشَ رَبِّكَ لَشَدِيۡدٌؕ‏

بےشک تمہارے پروردگار کی پکڑ بڑی سخت ہے

اِنَّهٗ هُوَ يُبۡدِئُ وَيُعِيۡدُۚ‏

وہی پہلی دفعہ پیدا کرتا ہے اور وہی دوبارہ (زندہ) کرے گا

وَهُوَ الۡغَفُوۡرُ الۡوَدُوۡدُۙ‏

اور وہ بخشنے والا اور محبت کرنے والا ہے

ذُو الۡعَرۡشِ الۡمَجِيۡدُۙ‏

عرش کا مالک بڑی شان والا

فَعَّالٌ لِّمَا يُرِيۡدُؕ‏

جو چاہتا ہے کر دیتا ہے

هَلۡ اَتٰىكَ حَدِيۡثُ الۡجُنُوۡدِۙ‏

بھلا تم کو لشکروں کا حال معلوم ہوا ہے

فِرۡعَوۡنَ وَثَمُوۡدَؕ‏

(یعنی) فرعون اور ثمود کا

بَلِ الَّذِيۡنَ كَفَرُوۡا فِيۡ تَكۡذِيۡبٍۙ‏

لیکن کافر (جان بوجھ کر) تکذیب میں (گرفتار) ہیں

وَّاللّٰهُ مِنۡ وَّرَآئِهِمۡ مُّحِيۡطٌۚ‏

اور خدا (بھی) ان کو گردا گرد سے گھیرے ہوئے ہے

بَلۡ هُوَ قُرۡاٰنٌ مَّجِيۡدٌۙ‏

(یہ کتاب ہزل و بطلان نہیں) بلکہ یہ قرآن عظیم الشان ہے

فِيۡ لَوۡحٍ مَّحۡفُوۡظٍࣖ‏

لوح محفوظ میں (لکھا ہوا)