اَرَءَيۡتَ الَّذِيۡ يُكَذِّبُ بِالدِّيۡنِؕ‏

بھلا تم نے اس شخص کو دیکھا جو (روزِ) جزا کو جھٹلاتا ہے؟

فَذٰلِكَ الَّذِيۡ يَدُعُّ الۡيَتِيۡمَۙ‏

یہ وہی (بدبخت) ہے، جو یتیم کو دھکے دیتا ہے

وَلَا يَحُضُّ عَلٰي طَعَامِ الۡمِسۡكِيۡنِؕ‏

اور فقیر کو کھانا کھلانے کے لیے (لوگوں کو) ترغیب نہیں دیتا

فَوَيۡلٌ لِّلۡمُصَلِّيۡنَۙ‏

تو ایسے نمازیوں کی خرابی ہے

الَّذِيۡنَ هُمۡ عَنۡ صَلَاتِهِمۡ سَاهُوۡنَۙ‏

جو نماز کی طرف سے غافل رہتے ہیں

الَّذِيۡنَ هُمۡ يُرَآءُوۡنَۙ‏

جو ریا کاری کرتے ہیں

وَيَمۡنَعُوۡنَ الۡمَاعُوۡنَࣖ‏

اور برتنے کی چیزیں عاریتہً نہیں دیتے